乾柴烈火

這是我看楊千嬅電影會覺得傷心而哭的一套戲，或者大家會覺得奇怪。楊千嬅的戲全都是笑片既戲，仲來只聽到其他人說是笑到喊的。但我就係因為覺得傷心而流淚，原來當一個人不喜歡你既時候，你為他做什麼也是沒用的，你根本感動不了他。

就當我純粹為友誼 如要怕醜怎參加面試 你可會賞識我莫問名次 自細會流暢唸宋詞 還對奧比斯捐款十次 我可以脫光去為瀕臨冷死的穿衣 未化妝 但這織女總會散發金光 我自問仍值得相會牛郎 我化妝 是否可免命中主角失望 大眼睛聽講好看 沒有這信物呈堂 但我比心肝寶貝還要耐看
(用你的心挑選我 何以要化妝)若你要完美混血兒 陪你磨練親嘴這玩意 我不似更不會羨慕皇帝去選妃子

熱愛織女的你那怕骯髒 我自問曾用心等待牛郎 假使醜靠化妝 是否使我人生充滿希望 在這間美麗農莊 變臉無方 難怪鮮花不夠時間盛放

故事大綱

女性雜誌淑女和男性雜誌紳士，被大美人作家Michelle (陳慧珊飾)收購，準備合併為新雜誌Boku。認識中藥的Alice (楊千嬅飾)是淑女小記者，Ryan (古天樂飾)則是紳士副總編，深受女性歡迎。Alice上深山訪問奇人，回程時掉了眼鏡，打電話回公司求救，Ryan往救她，卻意外跌傷，從此Alice每天煲老火湯給Ryan作藥療，又助他布置新居。有日Alice送Ricky回家時遺下日記,因此透露了對方的心意,Ricky假裝不知道,卻因為不懂處理而開始逃避Alice，更無意間令Alice聽到其樣貌而不會選擇她,Alice因而黯然辭職,失去Alice後,Ricky在昔日一起佈置的家中懷念起Alice,終於發現已不知不覺被她那善良的心所感動.....

露營@短咀+X-camp

聖誕節放長假最好就來一個三日兩夜既camping，約左八點半向西貢等，可惜我遲到。食過早餐就去街市買野，之後就搭車入北潭凹。四個鐘頭後，我終於都到達短咀喇！第一件事先起好張fly先，之後就落下面條溪度拎水。原本諗住咁遠既地方應該會無乜人黎，點知都有兩三班人黎呢度camp。所有野攪掂晒就先煮個tea食下先，跟住就起營。起完營休息一陣又是晚餐時，今晚凍冰冰就緊係打邊爐啦！食完飯洗埋碗，傾左一陣之後就返營訓。

尋晚成晚都好大風，比佢嘈到無覺好訓。起身刷牙洗面之後就煮早餐，今日早餐係番茄蛋夾麵包，食完早餐後就行左出去短咀最出既位，亦即係短咀個咀。行完返到營地就煮午餐食，食完就開始執野，因為之後會搬去另外一個營地，一個無水源既營地，所以臨出發前要背定今晚同聽朝要用既水。從來都無試過背住個咁重既背包，好彩只係行大約廿十五分鐘就到個X位。去到又係起fly先同食個tea。之後就起營，因為尋晚訓得唔好，所以今晚都想早D食飯之後就早D訓。點知食完飯掛住傾計，最後又攪到成九點幾先洗碗。食埋個甜品又攪到成十一點幾先訓！

終於都有覺好訓。起身就先食個早餐，之後就開始執野。跟住又要努力行返三個半鐘頭行返出北潭凹。點知出到去巴士站，已經見到好多人向度等巴士，唔知係咪因為放假既關係，架架巴士都滿座。最後都係攪到要搭返的士出西貢。

我和嘉明湖有個約會 Day 4

向巴士上濛濛瀧瀧咁訓著左，最後終於向零晨四點鐘到達嘉明湖既登山口，由於時間尚早，所以大家都向車上繼續休息。到左六點鐘，大家都落車煮早餐食。唔落車又自可，一落先發覺勁凍！食過早餐大家就開始出發，今日既目的地係6km營地，大約要六個鐘頭度，剛開始既路都好好行，而且仲可以見到好靚雲海添！

之後行到一個分叉口，就開始向上行，雖然要背住個大包包，但呢段路都唔算太難行。大約十二點多，就行到向陽山屋。當大家向度休息緊既時候，豬叔叔既台灣同事就走過來同我地講因為入夜後天氣太凍，如果扎營的話怕大家既裝備唔夠，所以最後決定向小屋過夜，雖然唔洗扎營，但相對地表示第二日我地要多行4 km既路。

唔理住喇！先開爐煮個午餐食下先，就向我地食食下野既時候，佢地又話見有時間不如今日先上向陽山先，咁聽日就可以上少一個山。於是大家又拿拿聲食過飯就執返個細背包上向陽山，其實行上向陽山既路段都會經過我地本來會扎營既地方，最後行左兩個鐘頭都未到，領隊決定打道回府。返到小屋又是五點多，大家休息左一陣，六點鐘就食晚飯，點解咁早食，係因為第二日我要零晨三點鐘出發，所以大家食完飯就即刻訓覺，養足精神應負明天20km既大長途！

我和嘉明湖有個約會 Day 3

因為今晚要搭夜車到嘉明湖，所以都無乜安排乜野節目。大家都可以訓得晏D先起身。十二點鐘check out完之後，先到outdoor鋪作最後補給，之後就去好豪咁食左個自助餐當lunch。因為大家都知道向嘉明湖既呢三日都會無啖好食。食下又hea下，我地呢餐飯足足食左三個鐘頭！食飽飯就去左城品打書釘，最後六點鐘返到酒店，就拎埋D大包包搭車到豬叔叔台灣同事既Office。去到見仲有時間就先食個晚餐，跟住就開始八個小時既長程巴士之旅，沿路司機叔叔見到有洗手間同補給既地方都會停車比我地！

冬至行山樂@大刀屻

是日冬至，但我又走鬼左去行山。哈哈！今次既目的地係大刀屻。

首先約左向九點鐘向大埔等，食完早餐之後就搭巴士到嘉道理農場後起步，剛開始既路都係不停咁上山，都已經十二月尾啦！點解仲會咁熱，好彩有風同樹蔭。但原來只係開頭個一段路有樹蔭，之後既路都係光光的一棵樹都無！因前段上山路大家都比較行得慢，所以之後落山既路大家明顯行得快左！行到落粉嶺就緊係食埋個下午茶先去啦！

元荃古道

好耐都無跟玲姐佢地去行山，今個星期日就同左佢地去行元荃古道。約左十點向荃灣等，齊人就由愉景新城出發行至元荃古道既入口。其實呢條路一D都唔難行，只係開始既樓梯級同斜路之外，其他都差不多係石屎路，大家一路行一路影，十分輕鬆。其間都見到好多人踩越野單車，見到佢都個個都好似玩得好開心，但我見到就驚，咁高速落斜路炒車咁點算呀！最後向四點鐘行到出元朗，跟住我地成班人仲出左去大角咀打邊爐添！

我和嘉明湖有個約會 Day 2

第二日一早起身，先去食個早餐。之後就去台北車站搭火車到瑞芳，去到瑞芳仲要轉車先可以去到十分。大家見仲有時間，就去左瑞芳老街行左一陣。唔知係咪因為係平日，所以條街好少人。而且好多鋪頭都無開，行左一陣仲落雨添！激死！

跟住就行返去車站搭車到十分。去到火車隔離有個買紀念品既鋪頭，我就當然第一時間去過去睇啦！呢度有好多木做既postcard，而我當然要買返張寄返屋企啦！呢張已經係我第三張由外地旅行時寄返屋企既postcard，之前兩張分別係四川同沙巴，我要keep住呢個傳統至得！

之後大家就出發到十分瀑布，之前上網既時候已經睇到話瀑布封左，但一場黎到點都要去睇過至心息既！去十分瀑布之前我地先去左眼鏡洞瀑布，大家不停咁向度影相，影到夠就再去十分瀑布。可惜未行到去就見到有人行返轉頭，原來瀑布真係封左。無辦法啦！為有行返去車站搭車到平溪。

唔知係咪平日既關係，四圍都好靜，想搵間鋪頭食野都無。搵左好耐先叫做搵到一間鋪頭有野食！食完晒大家都決定返出台北行Outdoor鋪。本來諗住黎掃下貨，點知呢度既價錢比香港仲貴！放棄掃貨既念頭。之後就去左食鰻魚飯。