為慶祝我地露營一週年，我地決定要攪攪佢。記得一年前幾個人一個營，又無爐無煲，到今時今日每人一營一爐一cookset。嘩！都咪講少！因為今次人多，加上每人一營，所以要搵個大D既地方同埋可以靜係我地自已玩，唔會嘈到其他人，最後決定狐狸叫。因為有朋友仔星期六要返工，所以約左兩點半向西貢等，齊人就先搭車到黃石碼頭後再搭船到高流灣，再行多大約一個鐘頭就到達目的地。第一件當然就先起好個營先啦！起得七七八八都已經五點幾，大家hea下又要為今晚既晚餐打邊爐作準備，洗完野，個個都話肚餓。所以唔夠七點就開餐，食到差不多九點幾，大家又圍埋一齊傾下計，吹下水。十二點幾就入營訓。
第二朝訓到九點幾就起身，尋晚成晚都訓都唔係幾好。原因唔係天氣凍，係因為隔離有兩打環回立體聲。剭完牙洗完臉又是食早餐之時。食完早餐之後，專業人仕們開始拎出各種毒物出黎毒大家，好彩本人定力夠，但身邊其他朋友都應該已經毒發身亡！因為夜晚約左朋友，所以選擇搭船出去，而其他有心有力既朋友就選擇行返出去。(如果唔係趕時間我都應該會行出去！)
沒有留言:
張貼留言