第二日一早起身，先去食個早餐。之後就去台北車站搭火車到瑞芳，去到瑞芳仲要轉車先可以去到十分。大家見仲有時間，就去左瑞芳老街行左一陣。唔知係咪因為係平日，所以條街好少人。而且好多鋪頭都無開，行左一陣仲落雨添！激死！
跟住就行返去車站搭車到十分。去到火車隔離有個買紀念品既鋪頭，我就當然第一時間去過去睇啦！呢度有好多木做既postcard，而我當然要買返張寄返屋企啦！呢張已經係我第三張由外地旅行時寄返屋企既postcard，之前兩張分別係四川同沙巴，我要keep住呢個傳統至得！
之後大家就出發到十分瀑布，之前上網既時候已經睇到話瀑布封左，但一場黎到點都要去睇過至心息既！去十分瀑布之前我地先去左眼鏡洞瀑布，大家不停咁向度影相，影到夠就再去十分瀑布。可惜未行到去就見到有人行返轉頭，原來瀑布真係封左。無辦法啦！為有行返去車站搭車到平溪。
唔知係咪平日既關係，四圍都好靜，想搵間鋪頭食野都無。搵左好耐先叫做搵到一間鋪頭有野食！食完晒大家都決定返出台北行Outdoor鋪。本來諗住黎掃下貨，點知呢度既價錢比香港仲貴！放棄掃貨既念頭。之後就去左食鰻魚飯。
沒有留言:
張貼留言