復活節廈門之旅 Day3

第二朝訓醒，先去附近食個早餐，之後就先去廈門大學。估唔到原來入面係咁大既！我地四圍咁行，估唔到大學入面都好大，如果我都可以向呢D咁好既環境下讀書就好喇！因為大陸係無復活節假期既，所以學校入面都有好多學生返學，唔知係咪呢度比好多旅遊書都寫成為旅遊景點，所以呢度D學生對我地呢班外來既遊客睇怪不怪，遊完廈門大學就去左附近既南普陀寺，可能呢度既環境我覺得同寶蓮寺同圓玄學院差不多，所以興趣不大，加上人又多。見到午餐時間我地就順便向呢度食齋。食完午餐之後我地就搭車去左胡里山炮台，入面有好多關於當時戰爭既資料同當時用既物品，唔知點解今日唔係大陸假期呢度都仲有咁多人既，參觀完炮台就出左去中山路四圍行，不過大家又開始有D倦唔想行，最後傾下傾下，大家一致決定返鼓浪嶼食返尋日好好味既海鮮薄餅，食完就搭船返廈門回旅館休息！

青衣自然徑

呢兩日假期都落雨，攪到我相又無得影，山又無得行，激死！襯下午無乜雨落，就同老爸加姑姑去左屋企附近既青衣自然徑行左個轉，左攪右攪最終三點先出發，我地由青衣西路既入口開始，先到一號觀景亭，上到去有陣風吹下幾舒服，之後就去左老爸每日晨運都會到既小天地參觀，個度都真係好靚，前面有個無敵大海景加上又有一班志同道合既老人家朋友，唔怪得老爸每日都上一上去啦！簡直真係唔上唔安落添！參觀完小天地就開始行返落山，其中有個位影青馬大橋一流，如果今日好天就好喇！唉。。。

復活節廈門之旅 Day2

第二朝訓醒，先去食個早餐啦！因為尋晚飲唔到咖啡，所以大家就四出去搵間Cafe，最後我地去左趙小姐的家。原以為會有英式早餐食架嘛，點知佢只係得三文治同鬆餅，無辦法啦！為有先食小小野之後再出去掃街，呢間cafe情調係幾好，但野食同服服態度就。。。。食完野就先去附件行下。估唔到鼓浪嶼呢度都有咁多別緻既鋪頭，而我地亦向入面買左唔少野，呵呵~~買完野都成兩點囉！當然又是醫肚時，今次去返尋日食過既果間魚丸鋪！除左魚丸，今次我地仲叫左好多其他野食，食完就向島內入面既古舊建築，估唔到島上面會有咁多歐陸式既建築，就係咁一路行一路影，唔覺唔覺又行到五點幾，之後我地就搵左等二間Cafe去食個tea，呢間cafe比之前果間好得多，除左野食之外服務態度都係一流，我地就係咁向呢度hea左成個幾鐘頭至走，之後就返旅館拎埋行李就搭船返出廈門，因為今次我地返揀既呢間比較偏遠，落在車都唔知點行，最後都係要旅館入面既員工出路口接我地去入去！呢間旅館真係好靚，而且環境又好寧靜，因為太倦喇！所以就落左去旅館既餐廳食晚餐，點知落到去佢地已經打烊。不過老闆好好人，佢話可以幫我地叫外賣，雖然係外賣但都非常好味，最後我地仲向天台傾計傾到成點幾至訓！

熱辣辣焗死人@罾棚角咀

西灣亭-->吹筒坳-->西灣山-->睇魚岩頂-->長岩頂-->罾棚角頂-->罾棚角咀-->長岩頂-->浪茄仔-->浪茄-->萬宜東壩
因為朋友仔話需要吸收正能量，所以星期六就去左行山。今次既目的地係罾棚角咀。約左九點三向西貢等，之後就搭小巴到西灣亭，出發既時候天都只係陰陰地，點知行唔夠一個鐘就開始落雨喇，天文台又話大致天晴既！落住雨加上濕度高又無風，行起上黎都幾辛苦。好彩上到西灣山之後就開始有D風，一場黎到呢度又點可以唔去西貢三尖之一既睇魚岩頂呢，上完頂就向罾棚角咀出發。原以為雨只係落一陣啦！去到罾棚角咀都仲落緊，好彩我地有帶fly唔係大休時都唔知點算，休息完之後大家都決定向罾棚角咀個咀出發，班喪人去到崖邊都仲話要行落去，誓要摸到咀咀下面既水水，最終又比佢地成功喎，不過我向上面見佢地落去就真係登佢地驚。出完咀咀就沿路行返出去再行去浪茄走人，個人已經開始倦，偏偏呢個時候太陽伯伯就出黎，唉，行返上長岩頂呢段路又係辛苦死！就係向乾煎既情況下行到去浪茄，朋友仔二話不說就衝左去海灘降降溫先，跟住就行返出東霸搭的士，剛剛行到出東霸仲見到好靚既日落添！