青衣自然徑

呢兩日假期都落雨，攪到我相又無得影，山又無得行，激死！襯下午無乜雨落，就同老爸加姑姑去左屋企附近既青衣自然徑行左個轉，左攪右攪最終三點先出發，我地由青衣西路既入口開始，先到一號觀景亭，上到去有陣風吹下幾舒服，之後就去左老爸每日晨運都會到既小天地參觀，個度都真係好靚，前面有個無敵大海景加上又有一班志同道合既老人家朋友，唔怪得老爸每日都上一上去啦！簡直真係唔上唔安落添！參觀完小天地就開始行返落山，其中有個位影青馬大橋一流，如果今日好天就好喇！唉。。。