是日行程 -- 深屈道起步, 沿鳳凰徑上觀音山, 羌山, 靈會山, 連綿5個山峰，全長3.5公里... 適當地點乾糧大休。 過分水坳進入深坑瀝高地，再覓地紮營。回程羌山郊遊徑落石壁。
呢個嶼南camp都plan左成個月，都無諗過真係出發既時候天氣會突然間轉冷，但都無損我地既興緻，本來就約左九點向車涌食早餐既，但天氣咁凍，個個都遲到，最後成九點九先陸陸續續咁黎齊人，食完早餐買埋野食都已經十一點幾，之後就搭巴士到鳳凰徑出發，其實成段路都唔算太難行，只係上羗山個段路係比較辛苦，行到大約二點到，我地就向路邊乾糧大休，行多一個鐘頭度就到在我地今次扎營既平源大磡森。到達後就開始扎營，扎好營就開始出發去拎水，本來係諗住去大坪坑那邊拎水的，點知去到大坪坑時條坑居然乾旱左，吓，咁點算好，最後喪人決定行出去萬丈布拎水，呢下就慘囉！當時已經成五點，加上行3km去萬丈布但無辦法啦！無水袂無得食飯，於是一行四人就開始大長征拎水，其實大家一路行都一希望沿途會發現到水源位唔洗行到萬丈布咁遠，但最後還是要到萬丈布拎水，裝好三大一細既水袋，我地又沿返舊路行返去營地，因為今次拎水大長征只有我一個女仔，所以佢地三位男仕都唔洗我幫手拎水，我只係幫佢地拎住D相機，地圖，煲等等既雜物。告其實拎完水天都已經黑晒，呢個時候又大風，加上個個都肚餓，所以個個都比扯爆了，其中傻仔昇同區生仲要攪到向路邊訓下訓差差電先可以繼續行程。最後終於向七點多既時候返到營地，呢個時候既我已經得返半條人命，加上膝頭既舊患又痛返。洗好野又係時候開始打邊爐了，一路食一路吹水攪下攪下又成十點幾，之後就係我地悉心安排既節目，食生日蛋糕。因為得得就黎生日，所以我地襯今日順便幫壽星女慶祝，呵呵~~(我保全呢個蛋糕實在保全得太好喇，經過咁大長征都無整爛，哈哈！)因為太凍了，執好野就拿拿聲入營訓，雖然羽絨睡袋今次好夠暖，但太大風加上隻腳成晚忍忍作痛，最後又係攪到臨天光先訓得到。第二朝訓到九點幾就醒左，大家煮個早餐，向附近行下，執埋野都成十二點幾，好彩今次喪人無加option，乖乖咁由分流頂行落狗嶺涌後經引水道行返出石壁(其實一開始行隻腳都已經痛，好彩大家就我行得慢D加上有帶護膝，唔係都唔知點行返落黎) ，最後搭巴士返東涌。
