赤柬高棉之旅 Day 1

Day 1 香港 ---新加坡(烏節路、牛車水)

等在兩個幾月既赤柬高棉之旅終於都成行了~~八點半向屋企出門口，前後各一個背包，就係咁向香港機場出發！今次搭Jetstar Airline所以會向T2果邊Check in，當我到在機場時，朋友V一早就已經到在，拿拿淋Check in完就去食個早餐先，因為Jetstar Airline係無飛機餐提供的，所以我地就買左個飯團上機食。三個半鐘頭後，新加坡我黎喇~~~~
去到機場第一件事就係要唱錢，跟住就去寄存行李。攪好晒所有野就搭地鐵，我地先到烏節路，開頭諗住呢D高尚地方D野應該會貴到飛起同埋唔啱我地，點知~~死左，睇到幾多野都想買，但無理由第一日就血併架？加上仲要去飛去暹粒，最後大家都忍手唔買，等八日後再返黎血併~~之後我地就由烏節路一路行去魚尾獅，因為唔係太識路，所以就問問路邊既人，但當佢地聽到我地由烏節路行去魚尾獅時都覺得好驚訝，話咁遠。叫我地搭車啦但我同朋友V都覺得唔係好遠姐，所以我地都係繼續行本來諗住夜晚既魚尾獅應該會好靚著晒燈架，點知乜燈都無，黑黑咁，但唔知點影。所以影在一陣就走，跟住就行左去老巴剎既大排擋，唔知我地係咪太夜去喇，有一半既鋪頭都準備緊收鋪。最後只係搵到一間食肉丸麵既，本來想食埋串燒沙嗲架，但搵唔到呢，食完野再去牛車水那邊行一陣就搭地鐵返機場了，因為我地第二朝要搭六點機去暹粒，所以唔想book hostel而選擇訓機場，返到機場，我地先到T1搵搵有無好位，但好多人向度喎，加上D櫈好係唔係幾好訓，所以我地又過去T2望望，但知情況亦都係一樣，最後還是返回T1，最後好好彩咁比我地搵到一張好大既長櫈！呵呵！希望今晚有覺好訓！