出咀記

好耐都無跟TL去行山喇，難得今次有人攪去長咀，跟(雖然一早都知出唔到咀)！約左朋友A八點半向西貢等，先食個早餐，九點鐘再向水池邊等埋其他朋友仔就搭的士出發到西灣亭，先來一段熱身既石屎路，唔知朋友A今日做左乜野黎，過度活躍，等同喪人上身了一樣！我地幾個就當然無黎佢，佢有佢行得快，我有我地慢慢行，行到去西灣既時候，有個叔叔向沙灘既方向指左一指，原來岸邊有一條小鯨魚既屍體，個叔叔話已經call在漁農署。影完相我地再向咸田灣、大灣出發，沿途行入黎都見到好多外國人玩板，因為今次有D新手，所以腳程唔同加上時間唔夠，所以最後都無出到咀，我地行到東灣大休，向澗邊開爐煲水食杯麵，再加上一煲靚茶！正~~食完仲出左沙灘訓左一陣！good~之後就沿路行返出咸田灣再經赤徑回北潭凹！