Day 2新加坡 -- 暹粒(Old Market、Central Market、巴肯山)
因為新加坡機場太凍，而我地又無多帶長袖衫，所以成晚都係訓下醒下，最後頂到零晨三點幾，我地就決定去儲物室攞返個大backpack，返到去櫃位都差不多四點，諗住快快check in完就入閘再搵地方訓架嘛，點知班jetstar員工好似未訓醒咁，個個慢手慢腳，攪到成四點半先入定閘，入到去個人都醒晒，最後坐向候機室呆等上機！上到機仲有乜做呀，緊係訓啦！訓訓下，朋友V拍醒我，問我有無聽到有人叫落機，因為我地架機既目的地係金邊，我地只係向中途既暹粒落機，本來應該七點幾落機，但我地訓醒時已經係八點，個心即刻一沉，心諗唔係爛訓成咁呀！降落過都無反應？過在一陣朋友V先醒起暹粒比新加坡慢一個鐘，所以應該未到暹粒，好彩，嚇得我地呀！過多一陣就真係落機喇！嘩哈哈，暹粒我黎喇~~
攞完行李，兩條友仔行到出機場都唔知點，因為我地無book到暹粒既guest house，咁只好向機場搵左架車先車我地去市中心先，向車上順便問下司機有無好介紹，佢就車左我地去一間只係離酒吧街5分鐘既腳程，加上有兩張king size既大床，兩個二話不說就住，尋晚向新加坡機場訓得唔好，所以加陣沖完涼仲唔澎澎聲補下眠先，本來諗住訓到十二點，點知一訓就訓到兩點幾^o^，先到樓下同姐姐傾左呢幾日租tuk tuk既事，傾好晒就出去食個tea，順手去old market同Central Market打個轉，大約四點到就返去guest house，因為我地要去買飛入吳哥窟(因為當日既下午五點買飛，你係可以即日免費入場，咁你可以去影日落，但張飛既有效期係由明日開始計的) ，可能係星期日，成個巴肯山都人山人海，加上我地又遲左上去，個日落都落得差不多了，最後影在幾張相就走，返到市區食個晚餐就返旅館，因為第二朝要日起去影日出~~
沒有留言:
張貼留言