年三十、分流行

年三十個個都向屋企準備過新年時，我就走左去行山！哈哈！
約左八點半向東涌等，之後就先去食早餐。見我地五個人，搭巴士同搭的士都係差唔多價錢，所以就搭的士去石壁。去到石壁先要行大約一個鐘頭既石屎路，呢段路真係悶死！跟住我地就行左去嶼南界碑，呢個位影日落真係無得頂！行完界碑我地就繼續出發到分流古堡，去到古堡大約十二點半，咁就黎個大休先，順便食下野。半個鐘頭後又再出發，但我隻痛腳又返黎囉！好彩沿路都唔算難行如界唔係都唔知點算。行行下見到前面有堆石向樹，以為無路行，咁就轉左向上面樓梯位行，點知行到咁上下點解好係入左深山咁既，最後仲要無路，原來我地行錯路，誤打誤撞行左去二澳瀑布，哈哈！咁當然咁難得既機會就個個都拎機出黎影啦！沿返原路行返出去，原來之前堆石個條路先！最後我地三點半度行到出大澳，仲向大澳食埋個tea先去！