今日就走，所以行程主要都係hea，所以就訓到成九點幾至起身，落下面食個早餐就返房執野，之後就再行李寄存向旅館就四圍行，首先第一件事當然就係買手信啦！第一個目的地係買八仙果，其間行行下見到有間Birkenstock，我同lulu兩個為之瘋狂咁即刻行入去，就係咁終於比我搵到童裝既人字拖，哈哈，雖然都幾貴，但向香港真係搵唔到，加上前幾日行得咁辛苦，就當獎比自已完成創舉既禮物。之後就再我地落左去西門丁，先去食鹵水鴨，之後再食阿宗麵線。食飽飽就兵分兩路，一邊去行書店，一邊再戰Outdoor鋪。之後向永康牛肉麵店集合，最後再戰Outdoor鋪既朋友個個都滿載而歸。哈哈~~~食完麵就返旅館拎返行李到機場。七日既嘉明湖之旅亦都就此結束！
沒有留言:
張貼留言