我和嘉明湖有個約會 Day 6

訓醒仲諗住雙腳會好痛，話晒尋日都行左成十幾個鐘，點知又無事喎！食個早餐，執好野就準備落山喇！今日既路程就簡單好多，只係由向陽山屋行返落登山口，大約只需要兩至三個鐘。最辛苦既一段路已經行完，所以落山時個個都行得好輕鬆，而且仲一路行一路影相，我地真係好好彩，呢三日都好好天，日日都同藍天白雲玩遊戲。仲成日都有機會見到雲海，學同行既朋友仔話齋真係睇到有D厭。呵呵~~~~返到登山口我地就搭車去浸溫泉。行左三日山當然就要嘆下啦！浸完溫泉食埋午餐又是漫長的車程，我地由台東搭巴士返台北大約要六個鐘頭車程，所以返到台北就應該係晚上九點到，咁長車程仲有乜好做，當然係訓覺啦！斷斷續續咁訓，大約六點多司機就向一個類似中途補給站既地方停低比我地食個晚飯。最後返到旅館已經係九點多，Lisa一早就向旅館等我地。放低行李我地又準備出去士林掃街，之後仲行左一陣夜市，不過真係太倦喇！我無跟佢地去食宵夜。自行返旅館。