聖誕汕尾風車島之旅 Day 1

本來呢個聖誕係諗住跟喪人們去Camp的，但呢排怨氣實在太多，平安夜當晚先決定跟彼德同吉蒂去汕尾既風車島。約左九點鐘向上水等，當我同彼德到左後再打比吉蒂時，佢居然仲向屋企剛剛起身~~太過份喇！好彩之前無買定車飛，就係咁我同彼德先去食個早餐，之後再去超市睇下有無乜野要買，最後吉蒂向十點半度到達上水，因為有連續三日既假期，所以好多人都返大陸，過羅湖關簡直想死！過完關就去橋舍去買車飛，嘩！又係多人都嘔，等左幾架車先上到，上到車第一件事就訓覺，可惜訓唔著，反而隔離既吉蒂就訓到成隻豬咁，應該係搭兩個半鐘頭既車，因為塞車，最後攪到搭三個幾鐘頭。落車後仲要再搵車入紅海灣，唔識路攪到要問靚靚交通警姐姐，仲要搭多大半個鐘車先入到紅海灣，首先搵今晚住宿，行左幾條街先搵到一間，入去問價$150一間兩人房，三個人分都係$50，殺！安頓好都已經四點了！之後我地就出左去海邊行下，如果夏天黎既話，呢個海邊真係無得頂，我估仲可以放煙花！行下影下又六點，之後就去搵食，我地既計劃係見到邊間多人就入邊間。最後無揀錯XD，呢間既海鮮好味又底食！呢餐海鮮餐仲比我同彼德發現環保食添！食飽飽就返去沖涼，三個女人一個墟，又點少得講八婆野呢！呵呵~~~

赤柬高棉之旅 Day 10

Day 10 新加坡(小印度) -- 香港

訓到八點幾就醒在，先到Hotsel下面食個免費早餐(其實都只係多士) 食完就check out，放低行李就向小印度出發，慳錢既我地選擇行過去，可能呢區主要聚居印度人，所以呢個地方的確充滿印度色彩，行到咁上下我地又去在搵食，今次就試咖喱薄餅，雖然只係得咖喱同薄餅但都好好味！之後又再戀繼續行，行到一個商場見到有人畫印度手繪，本來我地兩個都好想試，但第二日又要返工，所以最後就無畫到。行完小印度就當然順便行埋過阿拉伯區啦！可能大家既建築差不多，所以我唔係咁今到呢兩個區既分別，行到咁上下，我地就返hotsel拎返行李去機場了~~去到機場就即刻check in入閘，因為彼德同我講新加坡機場既出境大堂有好多野玩架！果然，有歌聽，有戲睇，有機打，有得shopping，連蝶都有得打，出色！當我地去到候機室時發現落雨呀！真係好彩最尾一日走既時候先落雨！

赤柬高棉之旅 Day 9

Day 9金邊 --新加坡(牛車水、烏節路)

今日六點鐘就起身喇，因為約左司機叔叔六點九向樓下等，之後就搭車出金邊機場，因為金邊機場好細又無乜野行，所以check in完就入闡，入到闡我地就搵位食早餐，好彩之前一晚已經買定麵包做早餐，如果唔係就要挨貴早餐，可惜我地既如意算盤打唔響，因為後機室居然無飲水機，無辦法下買左一枝向香港我唔會有呢個價錢買既礦泉水，多謝港幣$20。兩個多鐘頭後，新加坡我又返黎喇！唔好講笑由新加坡去到我地book既Hotsel都攪在成個幾鐘。放好行李安頓好之後我地先牛車水去食午餐，食完就四圍行下，影下相。行到咁上下，我地轉戰烏節路，八日前睇中既野，今次仲唔可以帶返屋企！首先我去左買鞋，原先都諗住會無我碼，呵呵，點知有，可惜彼德睇中果對就無佢碼，買完鞋就去睇人仔袋，哈哈！彼得終於都買到心頭好了！血併完就去左大排擋食晚飯，充實的一天！

赤柬高棉之旅 Day 8

Day 8金邊 (Wat Phnom塔山寺、監獄博物館、殺人場、王宮)

八點半先到附近食個早餐，之後就跟司機約好九點向旅館等，先到塔山寺，入內的感覺有點像香港公園，而且仲有好多人向度踢毽，順便行下影下相，影完相就向監獄搏物館出發，點知個tuk tuk司機行行下忽然間停低左，原以為佢只係要整下架車，點知佢叫我地落車，之後就僕向架車度訓添！我地諗佢應該唔舒服掛，如果唔係點會錢都唔收就趕我地落車呀！無情情比人放似向條馬路度，都唔知點算好，好彩最後都搵到另外一個tuk tuk司機，去到監獄博物館門口就已經見到好多因為當年踩中地雷受傷既人向度乞食。向門口買完飛就開始參觀，唔知點解就算是大白天，向呢個地方依然都有一種陰森既感覺，或者個心成日都覺得呢度曾經死過好多無辜既人，而且仲要用咁可怕既方式。向搏物館度仲見到好多當年赤柬兵用黎行刑用的用具，當年困入呢個集中營既人既相，還有很多死裡逃生，分離既故事，其中一張相我好心刻的是一個母親抱住佢剛剛出世既小朋友，當你見到母親臉上的無奈不安同小孩臉上既安詳喜悅，真係好大對比。或者母親過是覺得唔應該帶呢個小孩黎呢個世界上，但事實如此，但願相中小孩能平平安安的逃出集中營。參觀完博物館之後我地就去殺人場，一個當年埋葬了無數柬埔寨人既地方，可能已經完成了發掘的工作，所以當地政府起了一個紀念塔來安放那些發掘出來既人骨。睇完之後就叫左tuk tuk司機車我地去俄羅斯市場，呢個市場其實同暹粒既Old Market差不多，行左一陣之後見時間尚早，我地就去埋王宮參觀，雖然入場門票係有D貴，但唔入去又唔知去邊度行。但入王宮係有服裝限制，就係唔可以著背心短褲，可憐彼得正正著左背心短褲，不過佢都早有準備，就係帶定外套同圍巾，攪掂好就入去了，其實王宮都幾大，我地一路行，一路睇，唔覺唔覺又行左個幾兩個鐘。之後返旅館休息一下，訓醒又出去食晚飯了，我地好隋意咁入去一間越南菜館，就向我地食食下飯既時候，突然聽到出面澎澎聲，仲以為有乜事，原來河邊向度放煙花。所以我地就結帳去河邊同其他人一齊睇，我都係第一次咁近距離現場睇煙花。原來十一月一號至三號係當地既送水節，睇完煙花就返旅館訓覺了~~