古蹟文物+紅花嶺

鏡蓉書院->發達堂->紅花嶺->長山古寺->禾徑山大樹

本來星期日係要返工的，但我選擇左做逃工。因為呢條路線太吸引，我怕今次唔去就無得去。十點向上水火車站等，點知個個都遲到。最後成十點半先出發。搭小巴去到上禾坑落車，先到鐘蓉書院參觀影相，之後就行埋過去發達堂，但附近好多惡狗，留左唔夠五分鐘就走。之後就開始搵路上山，但就搵左好耐都搵唔到，咁點算，最後咪就係個個雄心上身剷林去囉(開頭又話hea遊影下相，好彩無聽佢講，著晒行山快乾加510，唔係T恤牛仔褲跟你去剷林就真係死緊) 剷左大約大半個鐘，終於都搵返條正路，但原來正路一直都向我地附近，呀頂！之後就沿住山路上頂，向山頂大休開爐煲水煮麵食。食飽飽又是落山時，好一條漫長的磨滅意志石屎路後又回到文明，跟住就去左長山古寺，其間喪人細佬仲走左去求簽添！影完相順便過埋禾徑山那邊的大樹影人像相。呵呵！充實的一天！