赤柬高棉之旅 Day 6

Day 6暹粒 (Old Market & Central Market血併、Tonle Sap洞里薩湖)

今日係最後一日留向暹粒，最主要既吳哥我地都已經去左，所以今日行程都非常hea。訓到成十點幾至起身，之後他他條條咁去食個brunch。食完之後就去Old Market同Central Market血併，之前買唔到既野，今日一次過買返晒，呵呵~之後就返旅館休息下，就搭tuk tuk去洞里薩湖。沿路都見到好多破舊既木屋，其實洞里薩湖同附近既地方都係一D比較窮既人住，落左車之後就去碼頭搵船搭，去到比左錢之後就有一個人走埋黎帶我地上船，原以為會十幾個人一架船，點知成隻船得我地兩個，呵呵~~上船等一件事係先表明我地想去參觀湖上面既學校，可能佢地既英文有限，講左一陣都唔明，但當我地攞D船筆同單行簿出黎，佢佢就明白我地既意思，所以就先帶我地去湖上小學，我地去到既時候，佢都剛剛唱緊歌！而向課室旁邊就有幾個小朋友向窗外，見有時間就先同出面既小朋友影下相，佢地個個都好開心咁比你影，當你影完之後就會好緊張咁過黎想睇下張相影成點，除此之外佢地唔會問你攞錢，攞糖。影到咁上下，我地就入課室向老師表明我地既來意，老師收過我地既禮物之後就示意我地去影相。唔想打擾佢地上堂，所以影左一陣就上上層參觀，上層係一個大露台，可以望型附近既景色。之後就聽到落堂既鐘聲，我地見到老師派緊我地帶過去既單行簿比D小朋友，見到佢地個個收到呢本簿既喜悅真係筆墨所不能形容。之後個個小朋友就掙船仔返屋企。而我地亦都上返船繼續行程，大約到五點多，太陽落山了，向湖上見到既日落真係好靚，船家知我地想影相，所以佢都行得慢少少比我地慢慢影，最後當然就返去大排擋試下個柬式火鍋啦！
P.S. 雖然向洞里薩湖入面既人係貧窮，但他們活得快樂！