今日就離開暹粒去金邊，尋日一早就已經叫旅館既人幫我地買今日去金邊既巴士飛。本來想買七點既，點知七點既巴士飛己經買晒，所以我地只好買八點既車飛，朝日七點十就已經落到旅館下面等，點知等到八點四都未見黎接我地架車，最後等到八點半架車等到，原來呢架車唔只黎接我地，佢仲會去埋其他旅館接人，最後攪到成九點先去到長途巴士站，好彩趕到車，其實呢程車只是40km長，如果照平時行車70km/h來行的話，應該大約兩至三個鐘頭就到，可惜佢地就算行高速公路，時速都您大約係30-40km/h，最後呢程車足足坐在六個鐘，中途有一個大約三十分鐘既午飯時間，去到金邊已經二點多，一落車就比班tuk tuk司機圍住，最後我地跟在其否中一個tuk tuk司機，本來佢係想帶我地去市中心搵旅館的，但我地想先去萬谷湖附近睇一睇，於是佢就車在我地去附近，其實環境都OK，而且仲對住個湖，但最大問題係我好驚四腳蛇，唔知點解我成日都覺得呢D海邊木屋係一定會有，所以最後同朋友講我唔想住呢度，咁最後我地都係出返去市中心住，安頓好之後我地就四周圍行下，順便去超市入下貨，行到天到黑，我地先去搵野食，唔知係咪到左放工時間，條馬路人多車多，我以為向大陸過馬路已經難架啦！點知呢度仲利害。就向我地向條街度行緊既時候，迎面既男人突然間用隻手掃落我個肚度，嘩，我頂，你個麻甩佬想偷野定咸豬手呀！所以食完晚飯就拿拿聲返旅館訓啦！
沒有留言:
張貼留言