Day 5暹粒 (Banteay Srei女王宮、Roluos Group羅洛士群門口、Beng Mealea崩密烈)
雖然今日唔去影日出，但因為要去較遠既女王宮同崩密烈，所以我地九點鐘就出發，由我地住既地方去女王宮都要坐個幾鐘頭車架！去到都已經人山人海，女王宮比我想像中細，原先我以為會好似小吳哥咁大，所以去到見到咁有少少失望，不過女王宮既雕塑就真係好靚，影完就出發到崩密烈，但我地越坐就覺得越唔對路，點解會一路向南行既？因為崩密密係向女王宮既北面，宜加佢向南行咁係咪佢車我地去羅洛士群？唔係嘛？但我都又唔係咁肯定，到最後tuk tuk司機真係車左我地去羅洛士群，於是我地就同tuk tuk司機理論，明明book車既時候已經講好晒條路點行架嘛，個tuk tuk司機居然話諗住帶我地遊湖，雖然我地都有諗住遊湖，但唔係今日囉，你做乜同我地決定行程，我地死都要佢車返去崩密烈，但佢話咁遠要加錢，我地當然唔理佢，最後佢都肯車返我地去崩密烈。就係咁攪成三點先到，崩密烈，係一個完全荒廢既廟，如果唔係加左一D人工搭既木樓梯，我相信個感覺會仲正！行完都成四點幾，又要再坐返2個鐘頭既tuk tuk先返到旅館，食完飯就返去訓了~
沒有留言:
張貼留言