船底頂
有人說船底頂是天堂，因為他美如天堂；但有人說船底頂是地獄，因為上山路程比在地獄更辛苦。亦有人說，把你的最愛的人帶上船底頂，你們的感情定必天長地久；把你最討厭的人帶上船底頂，要他受盡痛苦，更恨你一世。
一個plan左差不多一個月既遠征，由最初既六個人到最後得返三個人XD(其實出發前大家都好擔心天氣既問題)
第一次向香港以外既地方露營(要自己咩晒所有gear的一次外地露營)
本來路線 石門台---平坑(Camp)---船底頂(Camp)--- 落日峰---峽洞---上斜---新洞小學最後路線 石門台---平坑(Camp)--- 羅坑鎮---深圳
Day1 20號放工就澎澎聲上深圳集合，本來諗住搭火車到廣洲轉車到英德，點知去到X光位照到我地有gas，一係就要我地放低D gas，一係就退票唔搭，最後唔搭！即刻走去買巴士飛去廣洲，上到去到成十點多，再去火車站睇下有無今晚去英德既火車飛，點知今晚無車去，要聽朝至有，無辦法啦！只好買聽朝既飛！但死心不息既小昇子點到想今晚到石門台，所以就四圍問下有無的士去到，最後有個亞叔話佢識去喎，收我地六百，殺！但個亞叔又話佢唔係廣洲車，要我地搭另外一架車去到另外一個位再車我地，就係咁一轉就轉左四轉車先到我地既目的地--石門台保護站，去到都已經係零晨兩點，拿拿聲起營就訓啦！因為小昇子隻營要落釘，向石屎地上無用武之地，見佢咁可憐，所以叫埋佢入理，當晚上演了一次歡樂滿東華，三個人迫入一隻兩人營。
Day 2訓到七點鐘起身，拿拿聲食完早餐，執好野就出發。向保護台入面住既人都好好奇我地點解會向度，細問之後知我地上船底頂都話去不了，因為天氣太差了，但喪人當然無理啦！就向我地準備出發時，突然有一個自稱係呢個地方既管理員，話我地未經申請係唔可以上山既，但喪人就無理佢，一句行喇就出發！沿路都唔算難行，行左大約個幾鐘就到石門村，見到有個小賣部，於是就買支百事慶祝，順便問下人去18號營地要幾耐，佢地話行多一個鐘度，努力行啦！真係一個鐘後就到18號營地之後就要開始喪上大約五百到丫口，就向我地努力上既時候，個天又落雨了！一路落住雨行加上又肚餓(尋晚又食飯加上早餐只是一碗麥皮) 無力再行，最後我地向附近既一條小澗開爐煮麵，點知食食下又落狗屎，攪到執野既時候屎臨尿瀨！一路向上行都係咁落雨，最後大約四點鐘上到1010米既丫口。之後又要落返五百到平坑村，一開始就先落一段石河路，之後仲要索澗，行到差不多五點幾先到坪坑村之後仲要搵上船底頂既入口，但搵到六點幾都搵唔到，最後決定係小屋入面過一晚夜！咁啱又比我地撞到呢問小屋既主人，佢好好咁借左呢度比我地過夜！仲同我地講呢排天氣唔係咁好，所以呢兩個禮拜都無人黎行船底頂，仲叫我地小心D！小昇子太倦了，飯都唔食就訓。雖然行得好倦個人都無為口食野，但全日都無乜野落過肚，唔食D野都真係唔得，所以點都迫自己食少少飯，食完就即刻執野訓覺，但成晚都訓得唔係咁好，成晚係咁落雨，加上小屋既主人又入左黎攞野，又係到天光先開始訓到。
Day 3本來八點鐘既時候喪人都話見天氣唔好就撤退到羅坑的，你咁講我就當然繼續訓啦！點知訓到十點佢又話見幾好天喎，不如照上！下？唔係嘛！咁咪拿拿聲執野囉！一唔起身都唔覺兩隻大脾既肌肉勁酸痛，行左大約一個鐘度就知自己會拖慢佢地既進度同會變成負累，加上又擔心天氣會變差，所以我同佢地提出不如唔上船，而佢地兩個都好好陪我唔上，之後就提意不如向江邊玩陣水先走，咁佢地有佢地既斷背山，我有我煮麵食，食食下麵又落雨，激死！上返坪坑村諗住睇下會唔會摩托可以車返我地出去，最後還是要靠自己，可能呢段條比較悶，所以喪人快放，基本上呢段路都係我同小昇子兩個慢慢行，點知一路行場雨就一路係咁落！仲要行雷閃電添，問你死未！但行到去一個分差路位，我地見到喪人留下既路標，可惜我地太蠢睇錯左，行左條錯既路，好彩行左十分鐘度就發現行錯路，之後行多一個鐘度就到羅坑鎮，會合埋一早到左既喪人就搭車出韶關，出到去第一件事去火車站買飛返深圳，點知係零晨兩點幾既無坐位飛@.@！買完飛就緊係去醫肚啦！食過一餐算幾豐富既晚餐後就要諗下點樣消磨時間，本來有諗過去沐足，但搵左幾間都唔得，係咁向條街度游盪都唔係辦法，最後決定去開返間房，訓得幾多個鐘得幾多個鐘。最後一點八交房，見仲有時間仲去食多個消夜添！火車好準時到達，上到車都預左無位坐。咁啱買野既小姐問我地入唔入餐卡坐，有位就緊入啦，點知原來要再收多廿蚊(應該係D員工私自收既錢啦) 最後我地都無坐出返出面坐地下囉！就係咁四個鐘頭就返到深圳~~
