暴雨中的老麥2段

星期日無節目，咁啱豬叔又話去hea行老麥2段，好跟！
約左九點半向西貢等，但我遲到成十點先到，先去食個早餐，之後就搭車入北潭凹，呢條不知留低幾多條腳毛既赤徑同大浪凹，真係行到有點悶！行行下唔知邊個話不如上埋尖啦，開頭大家都好雄心架！點知上到大浪凹後打晒豉，之後就行落咸田灣，本來諗住去到西灣先大休，但Kaye想食豆腐花，所以就去士多坐低，好彩坐低咋，唔夠五分鐘就落到澎澎聲。就係咁一等就等左成個鐘先細雨小小，最後決定西灣走啦，點知行到咁上下又落狗屎，而且仲越落越大，成身濕晒。好彩一出到西灣亭就有小巴，唔洗等。沿路出去到好大雨，仲有好多地方都有水浸，好多車都差D死火，架車行過時D水都濺得幾高。大家見到咁既情況都估到出返市區都應該會幾塞車，記然係咁不如去BBQ啦！順便慶乾看上面既衫，點知行去BBQ場既時候D車好似專登開快D濺起路邊既水，攪到我真係由頭濕到落腳。去到BBQ場又會啱撞到威林佢地！呵呵~~真有緣