今朝一訓醒，就發覺個睡袋邊位有D濕，仲見到個營頂有D結霜添呀！不過好彩夜晚除左有自己既羽絨睡袋之外，還有馬幫既厚棉被，咁先剛剛夠暖咋！如果唔係實凍死！出營時都見到好多人已經起左身！食過早餐又執野繼續行程。經過第一晚之後，有D朋友可能有點高反既情況出現，另外又有D朋友覺得咁樣騎馬露營，所以佢地決定唔去第二晚既營地出返松藩。所以最後都兵分兩路，吉蒂本來都好想跟我地一齊去第二夜既營地，但佢又擔心自己隻腳，最後都係決定返松藩，就向我地騎騎下馬既時候。突然見到前面有個女仔唔知做乜野蹲左向隻馬隔離，而個馬伕又扶住佢，最後去到休息既地方大家講起，原來個女仔唔小心墜馬，所以佢要即刻坐車送去醫院，等到佢架車黎到，我地又繼續行程，依然都係騎馬上山，行路落斜。今晚既營地好靚，向個大湖既隔離。正~~安頓好之後，又要向今日既景點出發--扎嘎瀑布。不過問過幾個馬伕都有唔同既講法，有D就話行成3km，有D又話要行成8km。不過點都好啦，行左至算，見唔對路就調頭走，就係咁大家就向瀑布出發，點知行到去其中一個叉位既時候，帶我地去既馬伕話呢度只係行左三分之一，但當時已經係三點九，大家都擔心行到去都天黑，其他人就決定打道回府，但我地行得比較快既十幾個就繼續行程，其實行到去入口都只不過係四點多，之後就開始沿樓梯上路行上去，沿路一路行一路影都OK，最辛苦既只係行上瀑布頂既個條長長既樓梯！行到上去有想死既感覺。最後返到營地已經係七點，其他人都已經食完晚餐。我地當然就拿拿聲去食啦！今日行左咁多路，真係成個人都散晒，所以呢營火晚會和燒全羊都無去！(好彩有朋友仔幫我拎左D燒全羊比我食)
沒有留言:
張貼留言