long time no hea~~好耐都無去過hea camp了~今日就同埋吉蒂和小昇子去左東龍島camp，約左吉蒂兩點半向油塘等，之後就搭的士去碼頭，去到都只係兩點十，等埋小昇子就買飛搭船，到達東龍島都只係三點九，因為吉蒂未食lunch，所以先去士多食個麵，之後先去扎營，本來諗住去合法營地既，但太多人，無乜靚位，最後去左士多後面既大草地，去到既時候已經有兩隻營向度。不過都無乜其他好地方，最後都向度扎，扎好營之後就去拎水，拎完水就開始煮晚餐，估唔到就係咁煮下攪下又成八點多，食完飯洗過碗又是吹水時，唔夠唔夠吹水吹到成兩點幾先入營！點知成晚同D蚊困戰鬥，攪到無得訓。最後零晨五點先有得訓！點知第二朝八點幾就熱醒左，最後兩個訓唔到既傻婆就向住個海向度吹水(因為小昇子有事早走了~)吹完水就煮早餐食，因為我地搭三點半船，所以大把時間可以慢慢煮，慢慢食。仲可以慢慢hea添~~最後食完野執埋晒都係兩點鐘，最後都係去左士多坐低飲個凍飲食個麵，就向行落碼頭時，居然撞到來攀石的亞安！
沒有留言:
張貼留言