第二朝訓醒同第一日一樣，睡袋邊濕濕地，營頂又係結左霜。不過都夠暖。好彩仲有馬幫既被，如果只得我個羽絨睡袋一定唔夠。去親旅行多數都無胃口食早餐既我，就係因為咁而無食到好好味既羊雜湯，激死~~因為尋日無去到瀑布既朋友們見過我地既相之後好想去，所以今日再次分開兩小隊，一隊原路返松藩(即係我) ，另一隊就騎馬出到馬路口再搭車到瀑布(頂，早知係咁，尋日就唔洗行得咁辛苦啦！) 食過早餐執好野就出發，因為係回程，所以大家都無乜點影相，唔知點解今日相對要行既路比較多，勁多落斜。但就係因為咁，我第一次覺得人鞋合一既感覺。以前向香港好怕落碎石路既我，今次好似當佢無到，跑住落，個感覺好正~~唔知班馬幫係咪趕時間，所以最後交到市區既果段石屎路，佢地同我地D馬都係跑住走，仲要兩旁都有途人眼望望，勁有出巡feel~返到酒店第一件事當然是沖涼啦！之後合會埋去瀑布既朋友一齊去醫肚，之後就向古城四周影下相，但最後居然變成尋找子弟之旅！影完相就約埋所有團友去打邊爐，慶祝順利完成旅程同幫mok mok慶祝生日。食完飯之後本來大家都諗住行返酒店，不過有D朋友行得好倦，所以佢地就揀截街車，而我地就決定行返去，就向呢個時候突然間有個人走埋我地度，我地己經避佢架喇！但佢仲係咁追我地，最後仲攞左把刀出黎向住我朋友係咁追，當時真係嚇死我地，好彩剛剛話搭街車班朋友架車向度，於是我地就立即叫司機叔叔落車幫手，好彩最後都無事~~真係好驚險！
沒有留言:
張貼留言