露營@再三狐狸叫

本來今個禮拜係諗住向上賊船前作最後一次既操山，點知個個都唔得閒，最後得我同浪子再加埋囡囡三個人，算啦！去狐狸叫算！約左兩點向西貢先，買好野食就搭車入黃石再轉船到高流灣。由高流灣行入營地正常應該是大約四十五分鐘。不過唔認路既我，又再次唔記得，好彩有人肉GPS浪子向度，搵到個分叉口入去個平源位，但個平源位比兩個月前D草長左好多，又係要向度搵左一輪先搵到個入口，最後都成功去返之前既梯田位。先set好營，因為就黎入黑多蚊，所以都係返營訓一陣，等個天黑晒先煮飯。訓醒都已經七點幾，今晚既晚餐係咖喱烏冬加煎牛扒，食完飯洗過碗，又是吹水時，估唔到咁樣吹下吹下又十二點，入營訓時有少少凍，好彩帶多件衫。點知都要攪到成三點幾先訓得著，激死！訓到六點幾就聽到出面好大雨，算啦，唔理繼續訓，點知一醒就己經十二點，勁！第一次去Camp係可以訓到咁晏的，之後就煮午餐。向煮早餐既同時，大家亦都商量出去時行獲金？定原路走？最後懶惰的我們當然就原路走啦！呵呵~~唔趕時間就緊係hea住食啦！食完先執野走，出到碼頭時間尚早，我地仲影左一輪人像造型照添！