露營@又愛又恨之狐狸叫

呢個星期六日無乜野做，加上又餓Camp而久，所以就算天氣唔好都跟左喪人細佬同德德去Camp。目的地係狐狸叫。
約左十點向西貢等，點知我同得得都遲到，呵呵~~向麥當當食過早餐之後就搭車到北潭凹，雖然今日都有D潮濕，好彩還有風，一路行都無乜事，點知行到個坳位又再次遇到上個禮拜既泥濘滑梯，頂！上次無扇親，但今次咪扇到應一應囉！仲要比人拍左片添！之後都係沿山路走，行到一塊大草地就見到有好大班學生向度Camp，呢個時候喪人細佬話差唔多到架喇！但越行越唔對路，無理由咁密林架？最後知道盪失路了~~呢個時候無辦法，只好睇睇地圖確定加陣既位置，之後再搵邊條路最容易爆返上大路，最後喪剷兩個鐘後終於接返條大路，最後都係決定返去班學生附近扎營，點知返到去個營地都己經扎滿晒，加上喪人細佬唔甘心搵唔返上次個梯田位，所以膽粗粗走去問哥哥，點知原來只要行多十分鐘就到@.@最後向六點鐘到達營地，set好fly扎埋營就開始煮飯，三個人簡簡單單只係白飯加煎雞翼雞扒，唔知係咪好肚餓，所以覺得好好味！食完飯仲有飯後糖水添！因為落雨，所以洗完碗三個就各自入營，大家隔住個營傾計，就係咁，唔覺唔覺又傾到成十二點幾！但成晚係咁落雨根本就訓唔到，宜我都知佢地兩個都訓唔到，最後大家都差不多向天光既時候先訓到！訓到差不多十點，我地就起身。嘩！一起身發覺凍左咁多既，好彩帶夠衫，之後就煮早餐，食完早餐大家又向度吹水吹到成點先走，行到去碼頭都已經兩點幾，諗住見無人就去買罐汽水啦！點知買完返黎完到船走左，再睇船期表諗住仲有半個鐘至有第二架船，又見肚餓，咪諗住開爐煮麵啦！點知啱啱煮滾水，架船就黎，攪到我就拎住個爐，德德拎住個煲就上船，都開晒野，就緊係向船上做埋下半場煮麵！船上既人見到我地咁都覺得好得意！