訓醒就當然去食個早餐先啦，無諗過第一個摩洛哥早餐會向個咁靚既天台上面食，雖然只係多士麵包配果醬，但D果醬真係好好味！食完先去附近既巴士站買定聽日去Essaouria既巴士飛先！之後就去參觀Bahia Palace，呢個係馬拉喀什入面既一個舊皇宮，唔知點解呢度有好多貓貓，一入門口我地幾個已經比呢度既貓貓吸引住，係咁向度影，影完就入去參觀，呢度既展館都會有午飯時間，睇完呢個皇宮剛剛好又是午飯時間，所以我地先去附近既local market食個當地既食品Tajine同BBQ，食完就去Saadian Tombs，呢個好似係一個舊城的廢墟，唔知係咪外國既天氣特別好，成日都見到藍天白雲，行完就去今日最後一個景點Koutoubia Mossque，點知我地都未入到去就比門口既一鋪hand made既手飾鋪吸引左，最後每人都買左好多條手呃，因為要等佢刻名，所以一等就成個幾鐘，由日落等到天黑，之後就去左德吉瑪康場入面既大排擋試當地既美食，呢度既傳統豆湯herira同mint tea都好好味，返酒店前仲忍唔住黎個鮮榨橙汁添！
沒有留言:
張貼留言