今朝要好早起身，因為要入沙漠，六點鐘就己經到德吉馬廣場等local tour架旅遊車，今次我地六個人包在個團入沙漠，包團係因為我地會去四日三夜加上佢地由肯最尾一段路更改行程車我地至Meknes，雖然貴少少，不過都OK既！出發時天氣唔係咁好，好大霧，加上唔夠訓，所以沿途都係訓訓訓。之後來到一個叫ashbah Ait Benhaddou既山城(好似話星戰都係向呢個山城拍既)，先騎驢仔過河，然後就慢慢行上山頂，一路行都見到D人拎住個放大鏡向度照下照下，原來佢地利用放大鏡向木板上面畫畫，D畫其實幾得意，不過太貴，所以無買度。呢個山城真係好靚。參觀完之後就到附近食午餐，跟住又是長途車一程，大約三個鐘後就到在我地第一個會入既沙漠Zagora，大家揀好駱駝就出發。可能呢個沙漠比較細同埋近村，所以唔係太有入沙漠既感覺。騎左九個字到就到我地今晚訓既營地。入到帳幕我地先放好野，無幾耐佢地就拎左D茶比我地，仲同我地傾左一陣計添，跟住佢就出去拎晚餐入黎，我地快快手食完就出去影星。沙漠入面無光害，所以滿天都是星星，可以嘗試影星軌。影完就入返帳幕訓覺了~
沒有留言:
張貼留言