訓到濛濛瀧瀧之間，唔鬼知邊個好大聲咁叫，嘩，彩虹呀~~所以頭又唔梳，牙又唔擦，衫都唔換、只係拎左部相機就衝上天台影彩虹，條彩虹好靚，又大條，有時仲見到有兩條添呀！影完就擦牙洗面落樓下食早餐，食過早餐之後又再出去行下，Essaouria呢個小鎮唔係好大，尋日其實都已經行得七七八八，但我地買左下午三點既車飛，所以我地今朝又再次出返堤霸果度打下雀，又再上燈塔位去影下浪。影完之後又再去返尋日食過果間海鮮擋，佢地居然認得我地，今次仲送多兩碟沙律比我地食，食完再去買下手信就搭巴士回Marrakesh，返到去都已經黃昏了，見唔係太肚餓，所以先去Hotel Ali度報去撒哈拉沙漠既local tour先，呢D野就當然由領隊豬叔和露露媽攪啦！見佢地跟左個人唔知去邊，以為好快返啦，點知等左三個字都唔見人，正當我地想去搵佢地時，佢地就返黎喇，原來個local tour既office向馬路後面，佢地兩個已經傾好晒，只係返黎再同我地一齊去比錢，攪好野就去食晚飯，跟住就要返旅館訓~~
沒有留言:
張貼留言