因為今朝要搭八點半鐘既巴士去Essaouria，所以尋晚已經叫定旅館既人幫我地整定早餐等我地拎走食，但見仲有時間，所以就向旅館食埋先走。去到巴士站都係八點多D，等左一陣就上車，車程大約三個多鐘，去到Essaouria第一件事當然就係搵旅館，最後搵到一開四人房，佢地仲肯幫我地加兩張床添！其間幫我地加床既時候咁啱有一個女傭同我一樣身型又係細細粒，加上個樣又似似地，佢一見到我就好熱情咁抱我一下，又不停用法文同我講野，雖然我唔知佢講乜野，我諗大意應該係我地好似樣掛？所以Sa姐就幫我同我的摩洛哥媽媽影左張相，安頓好就出去食個午餐先，呢度最出名就係食海鮮，去到揀左一擋，先送幾碟沙律比我地食，雖然個沙律只係番茄，青椒同洋蔥，但就好好味，我地食完仲叫佢地加比我地添呀！佢地呢度食海鮮多數都係燒既，我地叫左魚，蝦，蟹同魷魚，呢餐真係好好味，之後就向海鮮街附近行下，本來今朝都仲落緊雨，好彩加陣開始好天，成個天都好藍，加上成天都係白鴿向度飛，又飛都好近，所以我地六個就上左堤霸上面打雀，唔知呢度係咪好少中國人，加上六個都係拎住數碼單反，所以我地六個人都成為了遊人景點，之後就上左燈塔那邊，我地靜係影浪都左成個幾鐘，之後就四圍行下，買下手信，之後就去high tea，食完就再出堤霸那邊影日落，之後好唔好彩搵左間呃錢BBQ食，真係黑仔！
沒有留言:
張貼留言