love actually 真的戀愛了

今日向屋企好無聊，見到電視賣廣告今個星期日做"真的戀愛了"，突然間好想睇，所以拿拿淋去拎隻VCD向電腦度睇。記得個時向戲院睇已經好鐘意呢套戲。今日再睇依然鐘意。
戲入面有多個故事！但最喜歡的只有兩個。
love unspoken -- 故事由一個婚禮開始，新娘子常常以為新郎的好友不喜歡自己，直至一天到好友家借回婚禮的錄影帶，內裡所有影像都是自己，這一刻才知道好友喜歡的原來是自己。
雖然新娘子已經結了婚，但好友還是決定要表白，他從來都不曾要求有回報，他只是想讓新娘子知道！

"with any luck by next year"

"i'll be going out with one of these girls"

"but for now, let me say"

"without hope of agenda"

"just because it's christmas"

"and at christmas you tell the truth"

"to me, you are perfect"

"and my wasted heart will love you "

"until you look like this"

最後，新娘子回了一個吻，他覺得這已經足夠。

love as a second language -- 英國失戀作家避情到法國，遇上來自葡萄牙的鐘點傭人。一個說英文，一個說葡文。雖然語言不通，但經過多日來的相處，彼此發生了好感。可惜愛情才剛開始，作家就要走。大家也依依不捨！回國後作家苦練葡文。聖誕節當天飛了過法國決定賭一鋪。最後他贏了，原來女的也為了他學英文。
為何電影中的男人都勇敢的去掙取愛情，但現實中的男人都是婆婆媽媽？
故事大綱
英國首相首日到唐寧街上班，就迷上遞茶給佬的俏下屬。英國首相的妹妹結婚多年，心廣體伴後懷疑老公不忠。失戀作家跑到法國治療愛情重傷，卻跟說葡萄牙語的管家通電。一個愛上朋友新娘但又不敢說出口的年輕人......... 一個個動人的英倫愛情故事交匯出浪漫、甜美、幽默的聖誕前夕，令你眼花撩亂，心花怒放。

暢遊灣洲和娥媚灣

今日又跟左表表既西藏團友去行山。首先約左八點半向大學火車站等，原來今次唔係我地自己行，而係跟行山隊去行。整人就一齊行去馬料水碼頭搭船去灣洲，我地由西灣開始行去東灣，其實呢段路就唔算太難行，因為跟行山隊行，佢地又好少休息，所以要追住佢地都行得幾趕。加上落山既路好多都係碎石路，我對行山鞋實左太"扇"，一到落山既時間我就會做左西太后，要傑哥拖住我行落，正確應該係彈落去。行到一點到，我地就返上船。

下午既節目，佢地分左兩邊。一邊閒情組── 近岸觀賞七彩珊瑚礁，沙灘漫步。 一邊探險組── 綑走赤岩煦壁，洞窟異石，多處如圓桌石、摩天崖、木乃伊石等等石景豬頭州。我地行完灣洲都已經好倦，所以最後我地揀左閒情組。其實我知傑哥佢地係想行探險組，但佢都陪我我地一齊行閒情組。綑邊就留返下次有氣有力先再行喇！送左探險組去豬頭洲後，我地就出發去娥媚灣睇珊瑚。可惜，我地既時候係水脹，要行到出心口位至睇到，天氣太凍，所以都無行到出去，只係向岸邊行下睇下魚仔就算。

大約四點幾就返到去馬料水碼頭，跟住大顆兒決定去深水食好出名既砵仔魚腸蒸蛋。呢間強記超好食，今次佢地叫左好多我鐘意食既野，有蠔仔粥，砵仔魚腸蒸蛋，椒鹽泥蜢同鱔片。呵呵~~~~~~我地九個人叫左十四個。都係食左七百幾蚊。食完飯仲去埋松記食糖水。

P.S. 哈哈！今日終於都買左玲姐對鞋，下次行山有新鞋著，唔知係咪真係咁得呢？

石澳BBQ

話說大公主12月中會過愛爾蘭探小公主，我想托佢幫我帶野過去比佢，所以就攪左今次既BBQ。其實今次都攪得好趕。所以最後得五個人(我，大公主，Sam，Vicky同小三)(本來就六個，隻大叔又放飛機)我地約左四點向筲箕灣等，點知最後都要等到五點先齊人。之後就去左附近買野食，唔洗十五分鐘，就買好晒所需要用品，勁！我未試過咁快就可以攪掂買晒野。跟住就搭車入石澳。
    

入到去都已經無晒爐，所以拿拿聲去租爐。太約六點半就已經開始燒野食。我地由大家各自聖誕去邊樹旅行，講到新年約埋一齊去菲律賓，之後又話一月攪露或宿營去觀星，又講到各自既情史，到最後講TL各人既八卦野。咁就攪到成十一點幾。本來仲話出筲箕灣食糖水添，但是最後都係太飽無食到。
    

   (小公主，最後送上合照一張比你，無得黎都有得睇呀！)

四川之旅 Day 11

Day 11 上里古鎮--->成都--->深圳

因為今日要趕返出成都搭飛機返深圳，所以今日我地好早就出發去玩上里古鎮，唉.............黎到先知我地尋晚比旅館老闆呃左，佢話呢度入夜就乜都無。點會喎！呢度都唔知幾多唔同既旅館同食野既地方，我諗尋晚我地入黎住一定熱鬧死。

(上里古鎮的入口處)

(清晨零靜的古鎮小街)

(古鎮外圍都小橋流水)

(太早喇，好多鋪頭都未開門)

(唔知小朋友向度諗緊乜呢)
我地隨意咁四圍行，可惜大早喇！好多鋪頭都未開，所以成個古鎮都好寧靜。大約行到十點到，我地就搭車出返成都喇！如果唔係因為要返成都，我諗我地可以向度住多一晚。

(呢條橋係咪好靚呢)

(從橋上面影返落黎)

(好大塊既黃葉門呀)

(古鎮大街的倒影)

(好大個水車呀)
好彩路上暢通無阻，一點鐘就到達機場，我地向機場同師傅加佩珊兩公婆分別後(佢兩公婆都太過份，點解可以放咁多日假，黎又黎得早過我，走又走得遲過我)。佢地就繼續玩埋娥媚樂山，我就要返香港返工~~~~~~~~

(在機場清潔的工人)
唉........最後黎到呢個時間，我先至有時間去買手信，今次旅行所有手信都係向機場買架！hehe~~~~~。最後飛機準時向三點三十五分起飛。就係咁我既四川十一日之旅就完結了。

P.S.期待聖誕節張家界凰鳳古城五天之旅，呵呵.....................

四川之旅 Day 10

Day 10 四姑娘山--->上里古鎮

經過尋日騎左成日馬，個人都好倦。食完早餐就出發向上里古鎮出發，師傅話應該大約下午三四點就會到架喇！唉......點知去到攀過雪山既時候，因為天氣唔好，能見度好低，師傅唔敢開得太快，所以我地兩點幾先到其中既一個小鎮食午餐。

(究竟邊度先係真既呢)
食過午餐，又要繼續趕路。點知一路行，我地就一路見到滿山紅葉，係呢D喇！我今次黎四川既目的就係為左呢個滿山紅葉既景況。所以沿路不停叫師傅停車比我地影相，咁樣影下停下，我諗我地足足令我地既行程比原本時間遲左成個鐘。

(紅，黃，綠，好靚呀)

(分唔到邊棵樹係邊棵添)

(黃葉加流水)

(四圍都係黃葉同紅葉)

(滿地都是落葉了)

(排得好齊整既屋)

(如果可以住向度就好喇)

(顏色好靚呀！終於都見到我心目中既紅葉喇)
終於七點鐘至到達上里古鎮，但點解會黑嘛嘛既？我地都覺得有D唔對路，於是佩珊兩公婆同師傅就落車去問下其他人，佢地話古鎮係向呢度，不過就要再行多二百米先到。而呢個男人原來係旅館老闆，佢話附近無旅館，而且古鎮咁夜都無乜野行，不如今晚就住向呢度，聽日一早再去上里古鎮啦！經過商量之後，加上大家都倦，所以就決定今晚向度過夜。

(呢度就係我地今晚住既地方)

(你睇今晚幾豐富)

我地放低D行李，佢地四個就落左去下面點菜，而我同表表就留向上面等，點解呢，因為表表就黎生日，所以我地想比個驚喜佢，咁我咪要留低陪佢。如果唔係佢知我地攪乜架嘛！到食得飯，我地落到去，表表都奇怪點解咁好，到我地一齊舉杯祝佢生日快樂佢至知，呵呵，我呢個表妹都唔話得啦！幫你攪左驚喜四川生日會！

林憶蓮Live 07 演唱會

"活著就是一種冒險，你認同嘛？"之後音樂除除響起，林憶蓮Live07演唱會正式開始。
呢個演唱會係我去完四川旅行之後好趕咁即刻去買飛睇。雖然今次演唱會既歌比較冷門，但絕對給我驚喜。其中有幾首歌我自己係特別喜歡。
"逃離鋼筋森林"可能之前既幾首歌唔係太多人識，但一響起呢首歌既前奏，前排好多人已經起身跳舞，加上憶蓮同雷有暉既一唱一和，其他和音走到台前一齊跳，一齊唱，氣氛好正。唱完呢首歌之後，音樂變成"芝加哥的故事"，一首我諗到無諗過會向呢次演唱會會聽到既歌，我超喜歡的歌。第一次向現場聽，感覺超正。
到了下半部份，憶蓮懶洋洋的躺在沙發上不繼重複唱著"喜歡一個人的時候，總是看不見的傷感，愛上一個人的時候，反而總是覺得孤單"就是這一刻，我喜歡上呢首歌 "日子"。之後就係憶蓮自彈自唱"願"，每次聽到呢首歌，電影"晚九朝五"既片段就會不停咁向我腦海出現。
今次既演唱會有別其他紅館既演唱會，完全係一個以歌會友既演唱會，沒有華麗既舞台，沒有漂亮既服裝，只有一班出色的樂手和一個愛音樂既林憶蓮。造就一個完美的演唱會。
謝謝憶蓮，給我一個精彩既晚上。

四川之旅 Day 9

Day 9 四姑娘山--海子溝--->貓鼻樑

一朝早就出發去海子溝，八點半六隻馬加三個馬伕已經向旅館門口等我地。因為今次我地係逃票既，所以要行山路偷偷咁入去。唔知係咪因為偷渡既關係，一開始行既山路已經好鬼危險，本來都無咁驚既！因為有另外一隻馬仔唔聽話，所以拖住我隻馬既馬伕走左去拖隻頑皮馬，佢要我自己拉住條疆繩。........唔咪嘛？自己攪掂，馬仔你要生牲呀！咪玩野呀！騎左半個鐘度，就入到景區。但距離目的地大海子仲有一段好長既路。馬伕每騎左九個字至一個鐘度都會比我地停低飲下水，食下野，可能我隻馬太口渴，一見到有水源既地方就趕埋去，仲要撞開晒其他飲緊水既馬。但馬大哥，你都要記住上面仲有個人架，你有冇理下我感受呀！你知唔知你呢一撞，我個膝頭哥瘀左一大片。騎左三個半鐘，終於都到大海子，你隻死野，到左目的地又開心到死，撞多我一野。我個膝頭哥仲要架！

(天氣咁好，見到晒四姑娘山)

(呢度就係大海子喇)

(孤零零一隻馬向度做乜呢？)

(馬兒在休息中)

(終於都到達大海子喇！)
到左大海子，呢度真係好靚，加上今日天氣好，仲靚！hehe~~~不過騎左咁耐馬就好鬼肚餓！好彩有方便麵食！雖然十蚊碗就貴左D。但向咁既情況，廿蚊碗都要食！之後我地就原路出返去，天呀！點解要行原路呀！之前個段路有三分一都係原崖邊，入黎既時候已經有D驚，以為走既時候唔洗行，唉..............唔知係咪行得耐，馬仔都開始唔願行，周不時都要馬伕打佢至行，但好衰唔衰我隻死野，一見有馬爬佢頭，佢都又行得鬼死咁快，真係想問下仔你想點。最後五點多，我地就出返去入口處。呢隻死野都唔知係同我過唔去，最尾都要整多獲我嘆！今次總共騎左七個鐘頭馬，唔該可唔可以比返個pat pat我呀！
之後就即刻約師傅向入口處等我地，拿拿淋車我地去貓鼻樑影日落。好彩上到去都係六點到，不過已經見到好多拍友set晒腳架向度等影相。等左半個鐘，終於都影到日照四姑娘山。呵呵~~

(看日照四姑娘山最好去處--貓鼻樑)

(夕陽照在紅彬樹上)

(日照四姑娘山)

(太陽下山囉)

影完相，向回程返旅館既途中，比我地見到尋日向雙橋溝入面食到既羊肉串同燒土豆，咪講笑，即刻叫師傅停車掃街。大家都食得好滿足。咁隔離又有間食羊肉火鍋既鋪頭。我地呢班食羊怪就當然唔會放過，晚餐就呢度啦！唔該。

夜探吊燈籠影日出

尋晚又參加左TL攪既夜探吊燈籠，為既就係影日出。約左大隊零晨十二點向大埔火車站等。本來話諗下去唔去既momiji特然出現。之後一大班人(大約十幾個啦)浩浩盪盪咁出發去附近食宵夜。個班男子組個個都整個煲仔飯做宵夜，好似驚今晚無力上山咁。之後仲話要去食埋糖水添呀！
食完糖水飽飽之後，就搭的士去烏蛟騰停車場等埋其他朋友仔，去到停車場又見到大叔。佢都無報名？點解又會向度既？終於二點半正式出發開始上吊燈籠，今次都茜利囉！有成二幾三十人一陣上山睇日出，唔知山頂放唔放得落咁多人呢！今次比預期中快，大約四點鐘就已經上到山頂。嘩！好耐無試過向香港既夜空見到咁多星星喇！可惜未買腳架！如果唔係就一定叫各位大師級人馬教我影星星。仲要等多兩個幾鐘先日出！無法啦！為有食下野，傾下計。不過山頂實左太大風喇！想訓都訓唔到。個天就黎光既時候，唔知向近度漂來一陣霞霧！唉........又同太陽伯伯無緣！正當大家準備收機收腳，太陽伯伯又出來見人，攪到個個又拿拿淋拎返晒D機出黎！影完日出，我地就行返沿路落山。又浩浩盪盪咁出左大埔中心飲早茶！呵呵......
今次係我第一次行夜山，呢段路其實以前我都已經行過。但唔知點解今次行完會倦咁多架呢？

3D版怪誕城之夜

終於都有時間睇呢套3D版怪誕城之夜。十幾年前向戲院上既時候，我已經有入戲院睇架啦！今次呢個3D版當然就唔可以錯過啦，雖然故事同以前係一樣，但已經太耐喇！好多情節已經唔記得晒。但3D版真係好正，視覺效果一流，立體感好強。可惜有一個缺點，居然係無中文字幕，而且成套戲都有好多英文歌，以我咁既英文水準..............我只係聽得到三成咋。好彩入去既時候都已經知道故事既大概，如果唔係就真係一頭霧水。不過最估唔到呢套舊片而且仲上左幾個禮拜，今日去睇都仲咁多人，我尋日上網買飛都要買到前五行！夜晚既場次仲已經爆晒！南瓜王Jack真係多fans！

P.S. 唔知近視帶眼鏡既人仲點帶個3D眼鏡睇戲呢？

四川之旅 Day 8

Day 8 丹巴--->丹巴碉樓--->土司經樓及高碉--->四姑娘山-雙橋溝

再次回到丹巴，前幾日去唔到既丹巴碉樓，宜加就當然要補返數啦！咁師傅就車我地去，首先帶左我地去左觀景台，可以遠望一大群碉樓。之後以為會入去近睇架嘛！點知師傅話車入唔到去，要行入去。而且要行幾個鐘，最後大家都放棄左！

(這個就是丹巴碉樓)

(當地居民既房屋)

(梭坡古碉群)
之後就開車走，行行下居然比我地見到呢個奇景，當然拿拿聲叫師傅停車比我地影啦，你睇似唔似耶穌光。哈哈~~~

(嘩！耶穌光呀！)

(好似照鏡一樣)
離開左丹巴碉樓之後，師傅又帶左我地去另外一個地方，佢話比我地聽呢條橋好出名。條橋叫猛固橋，係以前紅軍大長征既時候行過既！不過宜加已經封左行唔到，不過行到我都唔行啦！但個幾條鐵鏈。

(成條橋靜係得幾條鐵鏈，我就唔敢行)
之後我地又去到土司經樓同高碉。開頭我以為佢會同之前既碉樓群向埋一齊。原來佢係向另外一條村入面。因為太殘舊喇！我地只可以向外面而入唔到去。

(土司經樓同高碉)

向條村行左一陣，又要出發去四姑娘山。

黎到四姑娘山，我地首先參觀左雙橋溝。買左入場卷，就坐觀光車先上去最高點既位置。之後就再由上至下咁玩返落黎！上到去風景好優美！成個山都係變黃左既紅彬樹。最衰唔夠時間，如果唔係就可以沿住木棧路咁慢慢行返落去！而且沿路仲有好好味既羊肉串同燒土豆食添呀！

(雙橋溝的紅彬樹群)

(紅彬樹群伴雪山)

(好高既紅彬樹呀)

(黃，白，藍，顏色好靚呀)

(就係呢度既路邊擋！D羊肉串同燒土豆好好味)

(呢張倒影好似張油畫)

玩完雙橋溝，又要四周搵住宿。可能四姑娘山係一個熱門既旅行景點！好多旅館都比旅行團包左！我地搵左好耐至搵到一間旅館有熱水。就向我地諗緊聽日去邊個溝好既時候，老闆娘就極力主張我地去海子溝！而且佢仲話識人可以幫我地逃票添！咁最後一至通過去海子溝！但去海子溝要騎馬，而且我今次旅行又無帶手套！諗住襯個天未黑就出去買左先，點知老闆娘話叫我地食左飯先，之後就帶我地出去買，老闆娘真好人。向旅館入面既餐廳，我地撞到一對從廣東開車到四川旅行既父子。佢地仲話比我地聽，聽日一定要趕向日落之前要去到一個叫貓鼻樑既地方影日照四姑娘山，佢話呢幾日天氣咁好，一定會影到。

(比好多雲遮住既月光)